Ինչպես են կենդանակերպի նշաններն ընդունում քննադատությունը

Որոշ մարդիկ ցավագին են արձագանքում դիտողություններին, մյուսներն ուշադրությամբ լսում և հետևություններ են անում, իսկ երրորդները նախընտրում են պարզապես անտեսել ասվածը։ Աստղագուշակությունն օգնում է ենթադրել, թե կենդանակերպի տարբեր նշաններն ինչպես են ընդունում քննադատությունը։

Սակայն նման բնութագրերին ամբողջությամբ ապավինել պետք չէ։ Յուրաքանչյուր մարդ յուրահատուկ է, ուստի կարևոր է հաշվի առնել նրա բնավորությունը, տրամադրությունը, հանգամանքները և ինքնուրույն գնահատել հնարավոր արձագանքը։

Խոյ

Խոյերը կարող են բավական բուռն արձագանքել քննադատությանը՝ զայրանալ, վիրավորվել և նույնիսկ որոշ ժամանակով դադարեցնել շփումը դիտողություն արած մարդու հետ։ Սակայն երբ առաջին հույզերը հանդարտվում են, նրանք սովորաբար մտածում են լսածի մասին և երբեմն վերադառնում լրացուցիչ խորհուրդ ստանալու։ Ճիշտ է՝ կհետևեն դրան միայն այն դեպքում, երբ իրենք անհրաժեշտ համարեն։

Ցուլ

Ցուլերը հազվադեպ են չափազանց զգացմունքային արձագանք ցույց տալիս քննադատությանը։ Եթե դիտողությունը նրանց խելամիտ և կառուցողական թվա, կարող են հաշվի առնել այն ու փորձել շտկել իրավիճակը։ Սակայն եթե Ցուլը վստահ է իր իրավացիությանը, նրան համոզելը դժվար կլինի․ նա կարող է մնալ սեփական կարծիքին և ոչինչ չփոխել։

Երկվորյակ

Երկվորյակները սովորաբար քննադատությունը թեթև և փիլիսոփայորեն են ընդունում, ուստի դիտողությունները նրանց մոտ հազվադեպ են երկարատև դժգոհություն առաջացնում։ Սակայն հանգիստ արձագանքը դեռ չի նշանակում, որ նրանք պատրաստ են փոխել վարքը։ Նույնիսկ խելամիտ խորհուրդներին Երկվորյակները հետևում են միայն այն ժամանակ, երբ դրանց գործնական օգուտն իրենք են տեսնում։

Խեցգետին

Խեցգետինները բազմաթիվ իրադարձությունների հուզականորեն են արձագանքում, և քննադատությունը բացառություն չէ։ Դիտողությունները կարող են նրանց տխրեցնել, վիրավորել կամ երկար ժամանակով զրկել ներքին հավասարակշռությունից։ Միաժամանակ նրանք կարող են լսել ասվածը և ճիշտ հետևություններ անել, սակայն հանգիստ վերլուծության համար ժամանակ ու բարեհամբույր վերաբերմունք է անհրաժեշտ։

Առյուծ

Առյուծներն ունեն սեփական արժանապատվության ընդգծված զգացում, ուստի կարող են անտեսել տհաճ դիտողություններն ու ցույց տալ, որ չեն ցանկանում դրանք քննարկել։ Եթե քննադատությունն անարդար համարեն, կարող են անմիջապես մատնանշել զրուցակցի թերությունները։ Առյուծի հետ ցանկալի է հարգալից խոսել՝ ընդունելով ոչ միայն նրա սխալները, այլև արժանիքները։

Կույս

Կույսերը քննադատությանը լուրջ են վերաբերվում․ վերլուծում են դիտողությունները, հաշվի առնում խելամիտ փաստարկներն ու հետևություններ անում։ Կատարելության ձգտումը նրանց մշտապես դրդում է բարելավվելու ուղիներ փնտրել, ուստի կողմնակի օբյեկտիվ կարծիքը կարող է շատ օգտակար լինել։ Կարևոր է խոսել հստակ և դիտողությունը հիմնավորել հասկանալի փաստարկներով։

Կշեռք

Կշեռքները չեն սիրում հակամարտություններ և քննադատական զրույցի ժամանակ փորձում են հարթել սուր անկյունները։ Նրանք կարող են հավաստիացնել, որ ամեն ինչ հասկացել են և անպայման հաշվի կառնեն դիտողությունները։ Սակայն դա միշտ չէ, որ նշանակում է վարքի իրական փոփոխություն․ երբեմն համաձայնությունը պարզապես խաղաղությունն արագ վերականգնելու միջոց է։

Կարիճ

Կարիճները կարող են շատ կտրուկ արձագանքել իրենց համար տհաճ խոսքերին։ Ի տարբերություն Կշեռքների՝ նրանք ամեն գնով չեն փորձում խուսափել հակամարտությունից և կարող են իրենք անցնել հակահարձակման։ Կարիճին քննադատելիս անհրաժեշտ է հանգստություն պահպանել, հիմնվել փաստերի վրա և չփորձել վիրավորել նրա ինքնասիրությունը։

Աղեղնավոր

Աղեղնավորները սովորաբար հանգիստ են ընդունում շրջապատի դժգոհությունն ու դիտողությունները։ Կառուցողական քննադատությունը նրանք կարող են ընկալել որպես զարգանալու լրացուցիչ խթան և սեփական հմտությունները բարելավելու հնարավորություն։ Առավել արդյունավետ կլինի անկեղծ զրույցը՝ առանց ճնշման, խրատների և նրանց ազատությունը սահմանափակելու փորձերի։

Այծեղջյուր

Այծեղջյուրները բավական հանգիստ են ընդունում քննադատությունը, հատկապես երբ այն գալիս է բանիմաց և հարգված մարդուց։ Նրանք համոզված են, որ սխալներից պետք է սովորել, ուստի փորձում են շտկել բացթողումներն ու զարգացնել լավագույն հատկանիշները։ Նրանց համար առավել համոզիչ կլինեն հստակ փաստերն ու գործնական առաջարկները։

Ջրհոս

Ջրհոսները դիտողություններին կարող են տարբեր կերպ արձագանքել, բայց ավելի հաճախ փորձում են չզայրանալ և տհաճ զրույցը կատակի վերածել։ Նրանք կարող են համոզիչ կերպով ցույց տալ, որ ուշադիր լսել են քննադատությունը, սակայն միշտ չէ, որ հեռուն գնացող հետևություններ են անում։ Ջրհոսին հետաքրքրելու համար ավելի լավ է խնդրի անսովոր, բայց տրամաբանական լուծում առաջարկել։

Ձկներ

Ձկները զգայուն նշաններից են և կարող են հուզականորեն ընդունել դժգոհությունը, տխրել կամ երկար ժամանակ մտահոգվել։ Սակայն նրանց արձագանքը մեծապես կախված է հանգամանքներից, տրամադրությունից և զրույցի ձևից։ Եթե դիտողությունն արտահայտվում է մեղմորեն ու օգնելու անկեղծ ցանկությամբ, Ձկները կարող են բավական կառուցողական վերաբերվել դրան։

Gushak.net-ի խորհուրդը

Նույնիսկ արդարացի դիտողությունն անօգուտ կարող է դառնալ, եթե կոպիտ ձևով է արտահայտվում։ Քննադատեք մարդու արարքը կամ աշխատանքի արդյունքը, ոչ թե նրա անձը, բերեք հստակ օրինակներ և առաջարկեք հնարավոր լուծում։ Այս մոտեցումը մեծացնում է լսված լինելու հավանականությունը՝ անկախ զրուցակցի կենդանակերպի նշանից։