Կենդանակերպի 3 նշան, որոնք ապրում են անցյալով

Որոշ մարդկանց համար անցյալը փակված էջ է, որին նրանք միայն երբեմն են վերադառնում։ Մյուսների համար հիշողությունները դառնում են ներկայի կարևոր մասը․ նրանք պահում են հին իրերը, կրկին կարդում տարիներ առաջվա նամակագրությունները, հիշում նախկին հարաբերությունները և մտովի վերադառնում վաղուց տեղի ունեցած իրադարձություններին։

Աստղագուշակների կարծիքով՝ կենդանակերպի երեք նշանների ներկայացուցիչների համար հատկապես դժվար է բաժանվել անցյալից։ Նրանք կարող են երկար պահպանել հիշողությունները, ներկան համեմատել անցյալի հետ և կրկին վերապրել վաղուց ավարտված պատմությունները։

1. Ցուլ

Ցուլն այնքան է սիրում կայունությունը, որ երբեմն անցյալը նրա համար շատ ավելի հուսալի է թվում, քան ներկան։

Այս նշանի ներկայացուցիչները կարող են տարիներով պահել իրեր, որոնցից վաղուց այլևս չեն օգտվում։ Հին սվիտերը, բաժակը, նոթատետրը կամ որևէ մանրուք կարող են պահպանվել միայն այն պատճառով, որ կապված են կյանքի որոշակի շրջանի կամ թանկ մարդու հետ։

Ցուլի համար հեշտ չէ հրաժարվել նաև սովորություններից։ Եթե ժամանակին նա ունեցել է սիրելի սրճարան, խանութ կամ զբոսանքի վայր, կարող է կրկին ու կրկին այնտեղ վերադառնալ, նույնիսկ եթե շուրջը վաղուց բազմաթիվ նոր տարբերակներ են հայտնվել։

Նույնը կարող է տեղի ունենալ նաև մարդկանց դեպքում։ Ցուլը երկար է հիշում նախկին հարաբերությունները և երբեմն նոր զուգընկերոջը մտովի համեմատում է այն մարդու հետ, ով ժամանակին կարևոր տեղ է զբաղեցրել իր կյանքում։

Աշխատանքում ևս այս նշանի ներկայացուցիչները գնահատում են սովորական ու կանխատեսելի կարգը։ Փոփոխությունները կարող են զգուշավորություն առաջացնել, հատկապես եթե նախկինում ամեն ինչ հստակ ու հարմար էր կազմակերպված։ Այդ պատճառով Ցուլը հաճախ հիշում է ժամանակները, երբ, իր կարծիքով, ամեն ինչ ավելի պարզ ու կանխատեսելի էր։

2. Խեցգետին

Խեցգետինը կարող է իր հիշողություններից յուրատեսակ տնային սրբավայր ստեղծել։

Նա չի ջնջում հին լուսանկարները, պահում է բացիկները և ժամանակ առ ժամանակ կրկին կարդում նույնիսկ հինգ տարի առաջվա զվարճալի նամակագրությունները։ Անգամ ճաքած կամ վնասված բաժակը կարող է տարիներով մնալ պահարանում միայն այն պատճառով, որ «այն ժամանակ են նվիրել»։

Խեցգետնի համար հատկապես դժվար է բաց թողնել մարդկանց։ Հարաբերությունները վաղուց ավարտվել են, նախկին զուգընկերը փոխել է աշխատանքը, քաղաքը և գուցե նույնիսկ սանրվածքը, իսկ այս նշանի ներկայացուցիչը դեռ երբեմն մտածում է․ «Հետաքրքիր է՝ ինչպե՞ս է հիմա»։

Այս առանձնահատկությունը նկատելի է նաև աշխատանքում։ Եթե ժամանակին թիմը հատկապես համերաշխ է եղել, Խեցգետինը կարող է ամիսներ շարունակ հիշել «այն կազմը» և նոր գործընկերներին համեմատել նախկինների հետ։

Ընդ որում, ժամանակի ընթացքում անցյալը կարող է չափազանց իդեալական թվալ․ կարծես վերջնաժամկետները երբեք չէին խախտվում, ղեկավարը չէր նյարդայնացնում, իսկ աշխատանքային զանգերը միշտ ուրախ էին անցնում։

3. Կարիճ

Կարիճը հատկապես լավ է հիշում այն, ինչ կցանկանար մոռանալ։

Իհարկե, նրա հիշողություններում կան նաև երջանիկ պահեր, սակայն առանձնահատուկ տեղ հաճախ զբաղեցնում են դավաճանությունները, անարդար խոսքերն ու այն դեպքերը, երբ ինչ-որ մեկը բոլորովին այլ կերպ է վարվել, քան սպասվում էր։

Գործընկերը մի անգամ խորհրդակցության ժամանակ իրեն վերագրե՞լ է Կարիճի գաղափարը։ Կարիճը կարող է այդ մարդու հետ ևս երեք տարի հանգիստ աշխատել, բայց տեղի ունեցածը նրա հիշողությունից չի անհետանա։ Իսկ եթե նույն մարդը մի օր ասի՝ «Ես միշտ փորձում եմ ազնիվ լինել», հիշողությունների արխիվն անմիջապես կբացվի ճիշտ էջում։

Անձնական կյանքում ևս Կարիճը կարող է երկար ժամանակ մտքում վերարտադրել հին խոսակցությունները և պատասխաններ փնտրել այն հարցերի համար, որոնք այլևս ոչինչ չեն փոխելու։ Հատկապես եթե պատմությունն ավարտվել է առանց հստակ վերջակետի։

Նրա համար դժվար է պարզապես ասել՝ «եղավ ու անցավ»։ Կարիճին անհրաժեշտ են եզրակացություններ, բացատրություններ և ցանկալի է նաև այն զգացումը, որ հուզական հաշիվը վերջապես փակված է։

Gushak.net-ի խորհուրդը

Հիշողություններն օգնում են պահպանել կապը կարևոր մարդկանց և իրադարձությունների հետ, սակայն անցյալը չպետք է խանգարի ներկային։ Ցուլին օգտակար է երբեմն թույլ տալ փոփոխություններ, Խեցգետնին՝ պահպանել լավ հիշողությունները՝ առանց դրանք չափազանց իդեալականացնելու, իսկ Կարիճին՝ բաց թողնել այն իրավիճակները, որոնց վրա այլևս հնարավոր չէ ազդել։ Երբեմն մի դուռ պետք է փակվի, որպեսզի կարողանանք նկատել բացվող նորը։